Ostetako bidea

2011n, Mapa argitaratzerakoan, Alberto Bolibar herritarrak kantoi honen izen zaharra (Iturriotz kalea) errekuperatzea proposatu zuen. Horretarako honako dokumentazioa ekarri zuen: "Urbanismo y arquitectura civil en Bergara. Jesus Gil Masa 2001" liburuan 159. orrialdean datorren plano historikoa. Bertan "Camino de Iturriotzaga" agertzen da. 209. orrialdean "Canton de Iturriozaga eta fuente de Iturriozaga" agertzen da. Honakoa izan zen Udalaren erantzuna: Udalaren planteamendua ahalik eta izen-aldaketa gutxien egitea izan da eta aldaketok hizkuntza-zuzenketetara eta izen konposatuak sinpletzera mugatu du. Arrazoi hori eta une honetako izenak herrian duen tradizioa kontuan harturik, dagoen moduan uztea erabaki da.